2023 Chung
ah U.S.A ram ah interest rate a tum lai maw?
Interest
rate atum lai maw? ti kan chim hlan ah zei ruang ah dah interest rate a kai ti zoh
ta hna u sih.
A tu lio cu
Vawlei cung ram thangcho le system tha a ngeimi poh nih cun interest rate kai
ter cio a si. System tha a ngeilo mi ram nih an thiamnak cio in an ram thilman
a kai lo nak ding ah an cawlcang cio.
Zeiruang
ah dah interest a kai?
Ram pakhat a cozah nih hin an ram thil eidin
le tuktak (commodities) man hi direct in control khawh asi lo. Asinain interest
rate an kai ter tik ah indirect in eidin man kha a hei hnuarsuan khawh.
Ram thangcho
ah cun thil hi a ba deuh lawngte in cawk a si tik ah, Interest rate an kai ter
ah cun, ram mipi nih duh poh in thil an caw kho ti lo. Ram mipi nih thil an
cawk lo tik ah ram chungah tangka riantuan nak a tlawm i, chawlehthalnak(economy)
a tla. Cu tik ah thil an zuarmi (supply) kha, thil a caw duh tu(demand) nakin a
tam deuh tik ah thilman a tum. A tu lio kan vawlei pi cu Covid-19 nehbung le Putin
ruang ah thilman a kai tuk caah thilman thumh nak caah interest rate hi kai ter
cio a si.
2023 ah interest
rate a tum lai maw?
2023 kum dongh
lei ah cun interest rate hi a tum dingin rakruah a si nain, U.S a cozah nih rianthar
tamtuk an ser caah, ruah ning bantukin sipuaizi a tla kho lo. Sipuaizi a tlak
kho lo tik ah fed nih inflation an i tinh ningin an control kho lo caah, a tum ding
zumh a um lo.
A Ruang
(2) ruang ah interest rate a tum kho.
A tha lei le
a chia lei in a tum kho.
A Tha Lei
Fed nih inflation
2% tiang kan thumh hlan lo poh cu, rate kan kai ter ko lai ti a si. A tu ah
4.9% lawng kan si rih tik ah tukum chung ah 2% tiang tum ding cu a fawi lo caah
a that nak lei in interest rate tum ding hi zumh a um lo. Interest rate hi voitekhat
ah tampi kai ter ah cun rampi faktukin a den lai caah duhsahte le ralring te'n rampi
faktukin den lo dingin kai ter a hauh caah lungsau in, a lem te'n an lem.
2024 ah cun inflation hi 2% ah an thumh khawh lai i, rate hi tluang te in an
thumh khawh lai tiah catial tu ka ruahnak asi. Hihi a can khawh ah cun kan ram
hi a tha than lai i, a kel (normal) ah kan um than lai.
A chia
lei
Nan theih
cio bangin 2023 chung ah U.S.A ban (bank) pathum cu an piat(bankruptcy) an si
cang.
Silicon valley
bank, first republic bank, le signature bank an si.Mah Bank pathum fonh nih an
ngeih mi hi, U.S bank vialte fonh ah 2.4% thluk asi. Bank lian tuk an si lo ti
nak. Hi bantukin ban (bank) lian pipi Chase, US bank, bank of America etc. nih
harnak an ton ah cun (banking system crisis) ban lei har nak a um lai caah fed
nih rate an thumh zokzok i, bank an khamh a hau lai. A sinain hi zong hi a cang
lai tiah zumh a si lo caah interest rate a chia lei in an thumh ding zong hi zumh a um lo. Zeicahtiah
a tlami bank pathum kan zoh tikah, bank a hmang mi an customer nih thinphan
thlalau in, an tangka an chuah dih i, bank lian deuh ah an thial hna caah an
tlaknak a si. Bank ah tangka kan chiahmi khi bank nih midang an cawih chin hna i,
a karh kha an I miakmi a si. Banknih midang tangka an cawih lio ah a ngeitu nih
kan tangka kan pe uh tiah zapi pawh in an pawh tikah an kut ah tangka a tang mi
a um lo caah bankruptcy an file lawlaw nak asi. Ruahlo piin hihi a can sual ah
cun Fed nih inflation an control kho ti lai lo, kan ram thilman van a tawng
lai i, kan ram a rawk lai. Kawlram ah MAH a sung lai, ram a tha lai i, refugee
kan sawk than a hau lai(capo)
June, 2023
CPI a chuak rih lo, ni 13 ah a chuak lai i, 4.5% a tang lei hna a si ah cun
interest rate kai ter hi an van I din deuh rih men lai tiah ka ruah. 4.9 cung
hna a si ah cun an kai ter rih ko lai. Fed fund target 5.25 an phanh rih lo
caah ruah ding a um lo a fiang ko.
Ka ca na ka
rel piak caah kaa lawm!
relchap