5G cu
zeidah asi?
5G cu a fawinak in 5th
Generation tinak asi. Phundangin chim ahcun 4G a hun zul tu technology thar(cellular
data network) a si. A tu Tuluk ram khua cheukhat le United State khua Pathum:
Indianapolis, Chicago, le Huston ah 5G data hi hman hram an thawk cang. U.S.A
ah hin November thla thok in zapi nih hmanhram an thok cang lai ti asi. 2021 ah
cun vawilei cung ram thangcho cia paoh nih cun an hman khawh cang lai tiah an
zumh.
Zeidah A cang lai?
1.
A pakhat nak ah vawlei cung minung cell phone aa
tlaihmi poh nih phone a thar cawk an duh lai. Zeicaah tiah a tu i, phone kan
hman mi le an ser cia mi phone ah hin 5G chip a um lo caah 5G hman khawh asi
lai lo. Research tuah tu pawl nih an chimnak ah “a cheu phone ah cun 5G a lang
ve lai nain a hmanmi 5G taktak asi lai lo” an ti. 5G chip lo in 5G hmankhawh a
si lo caah 5G hman duh ahcun 5G chip a um mi phone thar cawk hrimhrim a herh
caah mi kip nih phone thar an cawk cio lai ti nak asi. Thiamsang pawl nih an ruahdomh chungnak ah
cun 2020 kum chung lawng hmanh ah hin 5G phone hi million 220 an zuar khawh lai
tiah an zumh. Apple le Samsung cu an thang thuahmah ko lai.
5G le 4G aa Dannak zeidah a si?
4G speed hi second pakhat ah 50
megabits asi i, atu an tuah thar mi 5G speed cu second pakhat ah 10 gigabits
asi (1 gigabit cu migabits 1000 he aa tluk) cucaah atu kan hmanmi buaktlak in 4G
nak in a let 1000 in 5G cu a rang deuh lai ti nak asi. Phone line man thlawm
deuh le phone chia deuh a hmangmi he buaktlakin tuak in 5G hi 10% speed lawng
kan hman khawh zong ah atu I kan hman mi 4G nak in a let 100 in a rang deuh rih
lai ti asi. 5G a hmangmi nih cun nazi 2 a raumi movie khi second 2 ah, an
dawnload khawh lai ti asi. Cucaah 2021 kum hi phone company pawl nih phone a
tambik an zuar kum si dawh a si bik.
2.
5G nih a chuah pi mi thancho nak hi khuaruah har
asi te lai. Kan vawlei hi a let tamtuk in a thancho ter te lai. Tuhnu kum rau
lo te ah minung mawngh lo motor zong lamcung ah hmuh len khawh an si cang lai,
Sizung le Doctor hna zong nih mizaw caan hman tein an cawngh khawh cang lai,
System a rau tuk ee computer a kal khawh lo ee timi vial te kha a um ti lai lo
ti a si. U.S.A lawng hmanh ah hin 5G nih rianthar 3 million a ser lai i cozah nih a hmuh mi
tangka hi 500 Billion a karh ter lai ti asi. China hi U.S nakin phone le data
lei ah hmai ah a kal zungzal mi a si caah ah China caah thancho nak lian chinchin
a phurh rih lai.
3.
5G he aa peh tlaimi copany paoh an stock man a
kai dih lai. 5G he aa pehmi company ah invest a tuah tu 95%cu tamlak te an miak
lai ti asi. U.S.A ahcun Verizon hi a dir hmun a that bik lio asi.
A that lonak
5G radiation nih
hin minung caah zawtnak phunphun: lu fah, taksa fah, lungloh, tha dih tibantuk tampi
a chuahpi te lai tiah an zumh, hngak chia caa ko ah tih a nung khun lai. A hlei
in Cancer hrimhrim cu a karh tuk lai an ti. American cheukhat le bang nih cun
mithmuh lo ral nih a kan tlunh tiah an au pi. (5G hi China ser asi). 5G hi minung
ngandamnak caah tihnung tuk a si caah hman lo dingin a cozah sin ah duhlonak
minthut dingin Doctor le Scientist tampi tangrual in.hika ah minthut (appeal) tuahnak zong
an tuah. Micheu le bang nih cun Covid-19 zong hi 5G nih a chuah pi mi asi lai
tiah an ruah. Zeicaah tiah Covid-19 aa thok nak Wuhan khua khi 5G a hmangmi khua
asi. Zeipaoh sisehlaw a tuning ahcun Mipi tampi nih an duhlo zongah Cozah tampi
nih cohlan thiamthiam dawh an si ko rih.